Azərbaycanda aktiv vakansiyaların sayı açıqlandı

Ölkə ərazisində olan aktiv vakansiyaların sayı açıqlanıb.

Qezet.Az xəbər verir ki, bu barədə Dövlət Məşğulluq Agentliyinin İdarə Heyətinin sədri Hasil Abbasov 2025-ci ilin yekunları və 2026-cı ildə hədəflərinə dair keçirilən mətbuat konfransında çıxışı zamanı məlumat verib.

O bildirib ki, hazırda Azərbaycanda 60 mindən çox aktiv vakansiya mövcuddur:

"2025-ci ildə 448 işəgötürənlə əməkhaqqının bir hissəsinin maliyyələşdirilməsi xidməti icra edilib. Kvota və kvotadankənar işə düzəltmə layihələri icra olunur. Ötən il 1 817 vətəndaş kvota çərçivəsində işlə təmin edilib, 10 805 nəfərə işsizlikdən sığorta ödənişi verilib".